Xreferat.com » Рефераты по биографиям » Житие княгини Ольги XVI века
Житие княгини Ольги XVI века
Духа в крепкодушнаго
сердце великаго князя Владимера Киевскаго, внука блаженныя княгини Олги.
Крестися сам святыи благоверныи великии князь Владимер Киевскии, и наречено
бысть имя его во святом крещении Василии, и вся воя своя крести, такоже и вси грады
рускиа крести и приведе и в веру Христову. Таже посем во граде Киеве
благоверныи великии князь Владимер постави церков пречюдну велми во имя Святыя
Богородица, и украси ю зело иконами и книгами и всеми лепотами церковными //
(л. 472 об.), и даде от всего имениа своего церкви Святыа Богородица десятину,
и постави в неи стареишиною Анастаса Корсунянина. И аще хощеши, любимиче,
пространно уведати о святом великом князи Владимере, и вся написашася в житии
его, яже о нем. Сие дозде, настоящее же да речется, яже о блаженыя княгини
Олги, нареченныя во святом крещении Елене. Времени же многу минувшу по
преставлении святыя княгини Олги, блаженныи же великии князь Владимер воспомяну
о мощех святыя бабы своея, великиа княгини Олги, и сам прииде с митрополитом, и
со всем священным собором, и с фимианом, и со псалмо//(л. 473)пением на место,
идеже лежаху честныа мощи святыя княгини Олги, и раскопавше землю, и обретоша
тело святыя нерушимо пребывает даже и до днесь, якоже бе и первое. Святыи же
князь Владимер и вси ту сущии прославиша Бога, даровавшего им честныа мощи
святыя княгини Олги. Бог бо своя рабы прославляет, рече бо пророком своим:
"Славящая Мя прославлю и укаряющая Мя бес чести будуть". Блаженная же
княгиня Олга прослави Бога всеми добрыми делы, и Бог прослави ю и по смерти.
Святыи же князь Владимер взя честныя и священныя мощи святыа княгини Олги со
псалмопением и с фимияном // (л. 473 об.), и положи в церкви Святыя Богородица
честно во гробе камене мале. И на верху честнаго гроба того оконце сотворено
бяше, и ту видят тело блаженныя великиа княгине Олги лежаще цело и тлению
непричастно и благодатию Святаго Духа светяшеся яко солнце. Да иже кто с
великою верою приидет к честному гробу святыя, и оконце то, иже на гробе
святыя, само себе отверзется, и видят честное тело цело, и мнози приемлют
нескудно исцеление, а цем же кто недугом одержим бяше, и вси равно исцеляхуся
от священных мощеи святых, и отходят в домы своя радующеся и славляху Бога и
Пречистую // (л. 474) Богородицу и святую великую княгиню Олгу. О дивное и
страшное и преславное чюдо, братие, и похвалы всякиа достоино: тело честное и
святое во гробе цело, аки спя, почивает! Поистинне дивен Бог во святых своих,
Бог Израилев. То видяще человецы вернии прославляют Бога, прославляющаго рабы
своя. А другим, иже не с верою приходящим к честному ковчегу святыя, не
отворится оконце гробное, и не видят святаго и честнаго ея тела, но токмо гроб
видяху святыя. Тако бо Бог прославляет рабу свою великую княгиню Олгу рускую,
нареченную во святом крещении Елену. Богу нашему слава со Отцем, с Пресвятым и
благым и животворящим ти Духом и ныне и присно и во веки веком. Аминь.
Если Вам нужна помощь с академической работой (курсовая, контрольная, диплом, реферат и т.д.),
обратитесь к нашим специалистам. Более 90000 специалистов готовы Вам помочь.
Бесплатные корректировки и доработки. Бесплатная оценка стоимости работы.
Нужна помощь в написании работы?
Мы - биржа профессиональных авторов (преподавателей и доцентов вузов). Пишем статьи РИНЦ, ВАК, Scopus.
Помогаем в публикации. Правки вносим бесплатно.